BIRTHDAY MO.TAGAYTAY TAYO!

Malapit na birthday mo. Gusto ko sanang maiba nating itong celebrate.. Dahil special ang araw na ito para sa akin at sa iyo. Bilog na edad mo..hahahha meaning nagkaka edad ka na talaga. Pero isa lang masasabi ko ikaw ang taong di kailanman ako iniwan.

Naala ko pa nung maliit ako madalas akong tuksuhin dahil maitim ako ( hanggang ngaun naman..hahhah), di naman mestisa lang si ate kaya kala nila maitim ako..toinks! Ikaw laging takbuhan ko para magsumbong sabi mo sa akin. hayaan mo sila basta ayawan ka man ng lahat ng tao..puntahan mo ako at kailanman di kita aayawan o iiwanan. Bawat birthday ko noon lagi akong may gift sau. alam kong pinag iipunan mo mga un para pang mabilhan ako. Pag nagkakasakit ako lagi kang nasa tabi ko. Gusto ko nga kung nakahiga ako nakahiga ka rin. ayaw kitang patayuin gusto ko kayap kayap mo ako. Halos kung ilang araw akong nasa higaan un din ang araw na katabi kita.

Sa bawat hakbang ko ikaw ang umaalalay sa akin ung walker kong ratan na nagtutumbalelong ako kamay mo ang laging umaakay sa akin. Yung patatas na nilaga na nilalagyan mo ng itlog un ang pinaka cerelac ko noon. pero pag ang kamay mo nagsubo sa akin talo pa ang Gerber sa sarap. Pag pinapainom mo ako ng antibiotic na super pait pero pag sinabi mong gagaling ako pag ininum ko yun. lasang strawberry nga sa panlasa ko. mga tabletas na di ko malunok lunok kamay mo rin nagdudurog nito para di ako mahirapang lumunok..

Sa pagpasok ko sa school ako lang ang natatanging marunong ng bumasa at sumulat. naalala ko kung mga mga gamit sa school mga kapatid ko ako rin mayrun. pagkatapos mong maglaba, magluto, at mag ayos ng mga kapatid ko, ilang minutong nap. bago ka maglako ng paninda binibigyan mo ako ng oras para turuan magsulat, at magbasa. Yung relo nating sira yung ang pinag tyatyagaan mong pinaikot ikot para matutuo akong tumingin ng oras. yung mga ting ting ng walis ang ginagamit mong props para matuto akong mag add at mag minus.

Sa gabi dahil wala tayong TV. isa isa mo kaming pinag tutula at pinakakanta sa loob ng kulambo. At sa pagtulog gustong gusto ko ung mga bible stories mo. kahit paulit ulit gustong gusto ko un marinig. kaya nga lagi mataas ang grade ko sa church kasi lahat halos ng kwento ng teacher ko kabisado ko na. Hanggang sa pagtulog ko ikaw nakabantay sa akin. pag gumigising ako sa gabi at takot na takot dahil may napanaginpan, sinasabi mong. bigkasin ng ulit ulit ang our father at di ko pa man natatapos un tulog na nga ako habang haplos haplos mo ang aking buhok.

Ikaw din ang nagdadala sa amin sa kapilya. tinuturuan magdasal kahit madalas akoy nakakatulog pag si tatay na ang leader sa prayer. ikaw ang nag nurture ng faith na naitanim sa amin. At sa panahon na nasa byahe si tatay ikaw ng lahat ngpupunan ng lahat. at nung nawala si tatay ang tatag ng loob mo ang nakapagpatibay sa amin.ikaw ang laging nandyan..never kang nawala sa aming mga buhay.

Hanngang ngayon ang pag ibig mo ay hindi nagbabago. kasama ka sa kasiyahan at kalungkutan ko. una kang nagagalak sa bawat narating ko. mas malakas ang pagtangis mo sa bawat kalungkutan ko. Nagugulat nga ako bigla kang susulpot pag ako ay may problema. di man ako nagsasabi sau pero lagi mong sinasabi nararamdaman ko sa puso ko may pinagdadaanan ka kaya nandito ako..at parang milagrong gagaan ang aking kalungkutan..

Di ko kailan man matutumbasan pagmamahal mo NANAY.. kahit buhay ko pa di ko mapapantayan ang pagmamahal na binibigay mo.. Kaya sa birthday mo di man kami kumpleto dahil nasa malayo ang mga kuya. tayo tayo nina ate celebrate tayo..dahil ikaw ang pinakamahalagang tao sa buhay namin..

I LOVE YOU INANG... sana magkaroon ka pa ng maraming maraming birthday. para patuloy kang maging inspiration di lang sa amin kundi sa mga taong touch mo ang buhay nila..

this is your fave song inang..kaya ito para sau...